home kontaktua
EZAGUTU GOZATU eta ZABALDU lKASI eta ERAKUTSI ELKARTRUKATU
hip hop egunak
 HIP HOP EGUNAK

HIP-HOP EGUNA 2009
HERNANI

EKAINAK 13, LARUNBATA

Kaixo guztioi! Zer moduz?
Larunbatean Hernanin ospatuko dugun Hip-Hop egunaren bostgarren edizioa aurkeztera gatoz. Hasieratik Hip-Hop egunaren helburua guztion ahotan dagoen hitz horren atzean dagoen mundua ezagutaraztea izan da eta horretarako egun osoko ekitaldia antolatzen dugu. Eguna bitan banatzen dugu; goizean tailerrak egiten ditugu, Hip-Hoparen barruan dauden adar desberdinetan adituak direnek eskainitakoak, nahi duenak teoria eta praktika ikasi dezan eta arratsaldean berriz goizean ikasitakoa praktikan jartzen dugu erakustaldien bitartez. Goizeko tailerrak break dantza eta scratch-ari eskainita egongo dira bereziki eta hauekin batera egun osoan zehar graffitiak margotzeko aukera egongo da. Arratsaldean berriz, scratch erakustaldia, rap eta reggae sesioak eta abeslarien tartea (euskaraz ari diren rap abeslariak izango ditugu). Abeslariekin tartekatuta berriz break dantza erakustaldia Euskal Herriko txoko desberdinetatik iritsitako break dantzariekin.

Laburbilduz:

ZER: HERNANIKO 5. HIP-HOP EGUNA

Egitaraua:
11:00-14:00
Break dantza eta scratch tailerrak

16:00-17:00
Rap eta reggae saioak

17:00-19:00
Musika, rap abeslarien tartea eta break dantza erakustaldia

NOIZ: Ekainaren 13a, larunbata.

NON: Hernani, Tilosen (eguraldi txarra eginez gero Biteri Kultur etxea)

OHARRA: Eguraldi txarra egingo balu Biteri kultur etxean egingo genuke eta areto honek dituen mugak direla eta soilik arratsaldeko saioa egingo litzateke (tailerrak eta graffitia ez beraz).

 

 

 

----------------------------------------------------------------------------------------------------------------

HIP-HOP EGUNA 2008 LEZO

NOIZ: Ekainaren 07a, larunbata. (11:00-20:00)
 NON: Lezo. Goiko plaza. Euria egingo balu frontoian egingo genuke.
 
Goizean
11:00
Grafittiak margotzen hasi
 
12:30
Break dantza tailerra (Intxaurbreak-Urban 13)
 
14:00
Bazkaria
 
15:00-17:00
Rap eta reggae saioak
 
17:00-19:00
Abeslarien txokoa. Mikro irekia.
 
19:00-20:00
Break dantzarien erakustaldia
 

HIP-HOP EGUNA 2008
(IV. edizioa)

MAIATZAK 17, LARUNBATA
HERNANI (Tilosetako pasealekua)

Iritsi da Hip-Hop eguna. 2008ko edizio berri honetan aurreko urteetan hasitako bideari jarraipena emango diogu. Maiatzaren 17ean, Hip-Hopa hobeto ezagutzeko aukera berria izango dugu Hernanin. Goizean break-dantza, grafitti eta scratch tailerrak izango ditugu eta arratsaldean berriz, erakustaldiak eta abeslari gazteen saioa. Aurten euskarari tarte berezia eman nahi diogu eta Euskal Herrian kanturen bat behintzat euskaraz abesten duten rap abeslariak elkartu nahi ditugu. Hip-Hop egunean parte hartu nahiko bazenu, jarri gurekin harremanetan: ixa74@hotmail.com

hip-hopeguna2008


 Laburbilduz:
 
ZER: IV. HIP-HOP EGUNA
NOIZ: Maiatzaren 17a, larunbata. (11:00-20:00)
NON: Hernani. Ezkiaga pasealekua, Tilosak (euria egingo balu Atsegindegiko plazan)
 
 
Hauek xehetasunak:
 

IV.

HIP-HOP EGUNA. HERNANI

ABESLARI GAZTEEN, SCRATCH, GRAFITTI ETA BREAK DANTZARIEN EGUNA

SARRERA
Euskal Herrian geroz eta gehiago dira Hip-Hop kulturagatik erakarrita sentitzen diren gazteak. Hip-Hopa 80. hamarkadan AEB-etako auzo txiroetan sortutako mugimendua da, espresiobidea. Ideiak eta sentimenduak adierazteko modua da Hip-Hopa, eta horretarako, idei eta sentimendu horiek adierazteko, baliabide desberdinak erabiltzen ditu:

Rap musikak, doinu eta letren bitartez, ahozko espresioa adierazten du, kantatzeko eta musika egiteko modu berezia (scratcharen teknikak lagunduta).

Break dantzak gorputzaren espresioa ahalbideratzen du. Gorputza, lurrarekin harreman estuan eta musikaren laguntzaz, mugimendu ikusgarrien bidez, espresio tresna bilakatzen da.

Grafitiarekin, idei eta sentimenduak, irudi bihurtzen dira. Espraiaren teknikaz baliatuz panel edo paretak orri zuriaren papera jokatzen dute. 

Hip-Hop mugimenduaren espresio desberdin hauek Hernanin erakutsi nahiko genituzke HIP-HOP EGUNA ren bidez. Aurtengoa laugarren urtea da Hip-Hop eguna antolatzen dugula eta aurreko edizioetan jaso duen harrera ona edukitzea espero dugu.

 

EKITALDIA 
Lekua: Hernani (Ezkiaga pasealekua, Tilosak). Eguraldi txarra egingo balu Atsegindegiko plazan.

Data: 2008 -ko maiatzaren 17a, larunbata.

Eguna bitan banatuko genuke:

A-    IKASI.

Goizean zehar. Hip-Hop mugimendua ezagutzeko tailerrak.

11:00-14:00

Tarte horretan hainbat tailer egongo lirateke jendearen eskura.

1- GRAFFITIA. Jendeak graffitiaren teknikak ezagutu eta praktikan jartzeko aukera izan dezan. 12 panel egongo dira guztira eta horietako batzuk aurrez bananduta egongo dira, besteak momentuan gerturatzen den jendearen esku (edo aurrez abisatuta: ixa74@hotmail.com edo 675 703 276. 

2- SCRATCH ETA DJ TAILERRA. Musika ipintzeko, nahasteko eta scratch-ak egiteko teknikak erakutsi. Selektah Kolektiboko DZ-ren eskutik (egun Fermin Muguruzaren eta Esne Beltza taldeeko partaide da). Konfirmatzeko dago.

3- BREAK DANCE TAILERRA

Gorputzaren espresioa musika eta dantzaren bidez lantzeko teknika. Monitore lanetan: Intxaurbreak taldeko Marta. 

14:30

Bazkaria.

Bazkaldu eta gero graffitiak margotzen jarraituko dute eta bitartean musika jarriko genuke. 

B- GOZATU

15:00-17:00

Rap eta reggae musikarekin saioak.

17:00-19:00

ABESLARIEN TARTEA

Asko dira Euskal Herrian, rap musikaren bidetik abesten hasi diren gazteak.  Gutxi dira ordea, jendearen aurrean eta baldintza egokietan, beraiek konposatutako kantuak aurkezteko dituzten aukerak. Jaialdi honetan gustura aritzeko aukera eman nahi diegu. Euskal Herriko txoko desberdinetatik etorritako abeslari gazteak izango ditugu eta aurten euskarari tarte berezia eman nahi diogu (zoritxarrez gutxi dira oraindik euskara hutsez abesten duten rap abeslariak baina geroz eta gehiago dira, kanta gehienak erdaraz eduki arren, kantuak euskaraz egitera animatzen direnak.

19:00-20:00

BREAK DANTZARIEN ERAKUSTALDIA

Aritz Sound System-en musikarekin break dantza erakustaldia. 

OHARRA: Egitarau hau behin behinekoa da eta ordutegian edota edukietan aldaketak eman daitezke. 

Galderak, zalantzak...         675 703 276

ixa74@hotmail.com
SARRERA

Euskal Herrian geroz eta gehiago dira Hip-Hop kulturagatik erakarrita sentitzen diren gazteak. Hip-Hopa 80. hamarkadan AEB-etako auzo txiroetan sortutako mugimendua da, espresiobidea. Ideiak eta sentimenduak adierazteko modua da Hip-Hopa eta horretarako, idei eta sentimendu horiek adierazteko, baliabide desberdinak erabiltzen ditu. Rap musikak, doinu eta letren bitartez, ahozko espresioa adierazten du, kantatzeko eta musika egiteko modu berezia (scratcharen teknikak lagunduta). Break dantzak gorputzaren espresioa ahalbideratzen du. Gorputza, lurrarekin harreman estuan eta musikaren laguntzaz, mugimendu ikusgarrien bidez, espresio tresna bilakatzen da. Graffitiarekin, idei eta sentimenduak, irudi bihurtzen dira. Espraiaren teknikaz baliatuz panel edo paretak orri zuriaren papera jokatzen dute. Hip-Hop mugimenduaren espresio desberdin hauek HIP-HOP EGUNEN bidez erakutsi nahi ditugu.

TOPIKOAK APURTZEN

Hip-Hop hitza, normalean, rap musikarekin erlazionatzen da soilik, gainontzeko elementuak kontutan hartu gabe. Aurrez azaldu dugun bezala, Rap musika Hip-Hop mugimenduaren osagai garrantzitsua da, baina ez da bakarra. Hip-Hopaz ari garenean, askori, begirada zatarreko beltz gihartsua datorkie burura; beisbol txapela buruan eta urre koloreko kateak lepoan dituela, “mother fucker” (puta semea) eta horrelakoak garrasika ari dela. Gaur egun, komunikabideetan, rap abeslari “makarra”ren irudia saldu nahi digute. Auzo txiroan bizi arren buruan soilik kotxe dotoreak, igerilekudun jauregiak, era guztietako drogak eta bular handiko neskak dituena. Zakilaren eta pistolaren tamaina dira kezkatzen dituen gauza bakarra eta, bere “kolegak” kenduta, etsaiez inguratuta bizi da.

Hori ote da soilik Hip-Hopa? Noski ezetz. Horrelakoak egonda ere Hip-Hopa hori baino askoz gehiago da. Hip-Hop mugimendua AEBtako auzo txiroetan jaio zen eta auzo txiro horietako egoera larria islatzen du (miseria, drogak, bortizkeria, e.a.) baino horrek ez du esan nahi giro hori kantuen bidez azaltzen duten rap abeslari guztiak horrelakoak direnik. Ezta gutxiago ere. Askorentzat Hip-Hopa izan da (eta da) sentitzen dutena espresatzeko modu bakarra; bizi duten egoera gordina salatu eta egoera horri irtenbidea bilatzeko saiakera. Aldaketarako eta iraultzarako tresna.

HIP-HOP EGUNA

Topikoekin apurtu eta Hip-Hop mugimendua bere osotasunean erakusteko saiakera da Hip-Hop eguna. Horretarako teoria eta praktika uztartzen ditugu. Teoria, Hip-Hoparen sorrera eta garapenarekin eta praktika Hip-Hop mugimenduaren osagai desberdinak praktikan jarriaz; hau da, breakdantza, grafitti eta scratcharen teknikak erakusten dituzten tailerren bidez. Doakoak eta irekiak parte hartu nahi duen guztiarentzat. Tailerrekin batera erakustaldiak ere antolatzen ditugu, osagai bakoitzean adituak direnekin. Rap musikari dagokionez, mikrofono irekiaren bidez, rap musika egiten eta abesten hasi diren gazteei, baldintza tekniko duinetan (mikrofono, bafle, monitore, e.a) jende aurrean aritzeko aukera ematen zaie.

Orain arte egin ditugunak oso harrera ona izan dute. Dena den, abeslarien tartean, gazte gehienak gazteleraz abesten dute, ziurrenik, estatuko rapa modan dagoelako eta hori delako gehien jasotzen dutena. Hemendik, deialdi irekia egin nahi dugu, euskaldunak diren abeslariek euskaraz abestu dezaten. Selektah Kolektiboak eta M.A.K. taldeak euskaraz rap txukuna egitea posible dela erakutsi digute. Abeslari euskaldunen bila gabiltza. Zure herrian Hip-Hop eguna antolatu nahiko bazenu jarri zaitez gurekin harremanetan:


Galderak, zalantzak... 675 703 276
ixa74@hotmail.com
ixah.net   188 Posta Kutxa, 20120 Hernani  email:ixa74@hotmail.com telf:675 703 276
 website by stamfordhell